Metronidazole Tablet
மெட்ரானிடசோல் (Metronidazole) என்பது மருத்துவத் துறையில் அதிகமாக பயன்படுத்தப்படும் ஒரு ஆண்டிபயாடிக் ஆகும். இது நைட்ரோமிடசோல் (nitroimidazole) மருந்து வகையைச் சேர்ந்தது. பாக்டீரியா மற்றும் சில ஒட்டுண்ணிகளால் ஏற்படும் தொற்றுகளை எதிர்த்துப் போராடுவதற்கு முதன்மையாகப் பயன்படுத்தப்படுத்தப்படும் மாத்திரையாகும். இந்த மாத்திரையில் மெட்ரோனிடசோல் இரசாயன கலவை செயலில் உள்ள மூலப்பொருளாக உள்ளது.
பாக்டீரியல் வஜினோசிஸ் (Bacterial Vaginosis) சிகிச்சையில் மெட்ரானிடசோல் மாத்திரைகள் பயன்படுத்தப்படுகிறது. இது பிறப்புறுப்பில் பாக்டீரியாக்களின் அதிகப்படியான வளர்ச்சியால் ஏற்படும் தொற்று ஆகும். மேலும், மெட்ரானிடசோல் ட்ரைக்கோமோனியாசிஸ்(Trichomonas) நோய்க்கான அடிப்படை சிகிச்சையாகும். இது ட்ரைக்கோமோனாஸ் வஜினலிஸ்(Trichomonas vaginalis) என்ற புரோட்டோசோவான்(Protozoan) ஒட்டுண்ணியால் ஏற்படும் பாலியல் ரீதியாக பரவும் தொற்று ஆகும். மெட்ரானிடசோல் மற்ற ஆண்டிபயாடிக் பயன்பாட்டிற்குப் பிறகு ஏற்படக்கூடிய வயிற்றுப்போக்கு மற்றும் ஜியார்டியாசிஸ் மற்றும் அமீபியாசிஸ் போன்ற வயிறு மற்றும் குடலில் ஏற்படும் சில நோய்த்தொற்றுகள் மற்றும் இரைப்பைக் குடல் நோய்த் தொற்றுகளுக்கு சிகிச்சையளிப்பதற்கு பயன்படுகிறது.
இது சில நேரங்களில் இடுப்பு அழற்சி நோய்க்கு (PID) மற்ற ஆண்டிபயாடிக்களுடன் இணைந்து பயன்படுத்தப்படுகிறது. சுருக்கமாக, தற்கால ஆண்டிபயாடிக் சிகிச்சையில் மெட்ரானிடசோல் மாத்திரைகள் முக்கிய பங்கு வகிக்கின்றன. யோனி மற்றும் இரைப்பை குடல், பல் மற்றும் வயிறு என பல்வேறு நோய்த்தொற்றுகளை நிவர்த்தி செய்ய பயன்படுகின்றன.
மெட்ரானிடசோல் பாக்டீரியா மற்றும் ஒட்டுண்ணிகளின் செல்களுக்குள் நுழைந்து அவற்றின் DNA தொகுப்பை சீர்குலைப்பதன் மூலம் செயல்படுகிறது. மெட்ரானிடசோல் உயிரணுவிற்குள் நுழைந்தவுடன் உயிரணுவின் ஃபெர்டாக்சின் (Ferredoxin) புரதங்களால் மெட்ரோனிடசோல் குறைக்கப்பட்டு, டிஎன்ஏ கட்டமைப்பை சேதப்படுத்தும் நச்சு கலவைகளை உருவாக்கி நுண்ணுயிரிகளுக்கு மரணத்தை ஏற்படுத்துகிறது மற்றும் தொற்றை அகற்ற உதவுகிறது.
மெட்ரோனிடசோல் மாத்திரையின் சரியான அளவு சிகிச்சை அளிக்கப்படும் நிலையின் அடிப்படையில் மருத்துவரால் தீர்மானிக்கப்படுகிறது. பொதுவாக இந்த மாத்திரை உணவுடன் அல்லது இல்லாமல் வாய் மூலம் எடுக்கப்படுகிறது. குறைந்த அளவு அல்லது அதிகப்படியான அளவைத் தவிர்க்க மருத்துவர் பரிந்துரைக்கப்பட்ட அளவு அட்டவணையைப் பின்பற்றுவது அவசியம். மெட்ரோனிடசோலை பயன்படுத்தும் முன் உங்கள் முந்தைய மருத்துவ வரலாறு, கல்லீரல் நோய், சிறுநீரக நோய், மற்றும் நரம்பு மண்டல கோளாறுகள் அல்லது மது அருந்துதல் பற்றி உங்கள் மருத்துவரிடம் தெரிவிக்க வேண்டும்.
சிகிச்சையளிக்கப்படும் நிலையின் அடிப்படையில் மருந்தின் அளவு மாறுபடுகிறது. மருத்துவரின் வழிகாட்டுதலின் படி துல்லியமாகப் பின்பற்றுவது அவசியம். பொதுவாக, பாக்டீரியா தொற்று உள்ள பெரியவர்களுக்கு 500 mg முதல் 750 mg வரை ஒரு நாளைக்கு இரண்டு முதல் மூன்று முறை பரிந்துரைக்கப்படுகிறது. சில ஒட்டுண்ணி நோய்த்தொற்றுகளுக்கு 250 மி.கி. ஒரு நாளைக்கு மூன்று முறை சிகிச்சையளிப்பதற்கு பரிந்துரைக்கப்படுகிறது.
மெட்ரானிடசோல் மாத்திரைகளை எடுத்துக் கொள்ளும்போது பலவிதமான பொதுவான பக்கவிளைவுகளை அனுபவிக்கலாம். பக்க விளைவுகள் பொதுவாக லேசானவை மற்றும் குறுகிய காலம் கொண்டவை.
மெட்ரானிடசோலின் சில பக்க விளைவுகள்:
இந்த பக்க விளைவுகள் பொதுவாக லேசானவை மற்றும் கட்டுப்படுத்தக்கூடியவை. இதனால் மருத்துவத் தலையீடு தேவையில்லை. இந்த அறிகுறிகள் பொதுவாக தானாகவே தீரும்.
அரிதான மற்றும் சில கடுமையான பக்க விளைவுகள்:
இந்த அறிகுறிகள் ஏற்பட்டால் மருந்து உட்கொள்வதை நிறுத்திவிட்டு உடனடியாக மருத்துவரை அணுக வேண்டும்.
மெட்ரானிடசோல் மாத்திரைகளை எடுத்துக் கொள்ளும்போது பாதுகாப்பு மற்றும் முன்னெச்சரிக்கைகள் குறித்து அவசியம் அறிந்துகொள்ள வேண்டும்.
குறிப்பிட்ட மருத்துவ நிலைமைகள் உள்ள நோயாளிகள் கூடுதல் எச்சரிக்கையுடன் இருக்க வேண்டும். உதாரணமாக கல்லீரல் நோய் அல்லது சில இரத்தக் கோளாறுகள் உள்ளவர்கள், மெட்ரோனிடசோலைத் பயன்படுத்தும் முன் மருத்துவரை அணுக வேண்டும்.
மெட்ரோனிடசோல் பயன்படுத்தும் போது மது அருந்துவது குமட்டல், வாந்தி, தலைவலி மற்றும் சிவத்தல் போன்ற பாதகமான விளைவுகளை ஏற்படுத்தலாம். நோயாளிகள் சிகிச்சையின் போதும் மற்றும் மருந்துகளை உட்கொண்ட பிறகு குறைந்தது 48 மணி நேரங்களுக்கு மதுவைத் தவிர்க்க வேண்டும்.
வார்ஃபரின் (Warfarin) போன்ற இரத்தத்தை மெலிக்கும் மருந்துகளுடன் மெட்ரோனிடசோலுடன் தொடர்பு கொள்கின்றன. இது இரத்தப்போக்கு அபாயத்தை அதிகரிக்கும்.
லித்தியம் என்பது இருமுனைக் கோளாறு மன நோய்க்கு பயன்படுத்தப்படும் மருந்தாகும். இது மெட்ரோனிடசோலுடன் தொடர்பு கொள்கிறது. இந்த மருந்துகளின் சேர்க்கை இரத்த ஓட்டத்தில் லித்தியத்தின் அளவை அதிகரிக்க வழிவகுக்கும். லித்தியத்தின் நச்சுத்தன்மை அறிகுறிகளில் நடுக்கம், குழப்பம், அதிகரித்த தாகம் மற்றும் சிறுநீரக செயலிழப்பு ஆகியவை அடங்கும்.
இந்த பாதகமான விளைவுகளைத் தவிர்ப்பதற்காக நோயாளிகள் தாங்கள் இதற்கு முன் எடுத்துக் கொள்ளும் அனைத்து மருந்துகளையும் தங்கள் மருத்துவரிடம் தெரிவிக்க வேண்டும்.
நீங்கள் கர்ப்பமாக இருந்தால் அல்லது தாய்ப்பால் கொடுப்பவராக இருந்தால், மெட்ரோனிடசோலைப் பயன்படுத்துவதற்கு முன் மருத்துவரை அணுகவும்.
Conclusion:
மெட்ரானிடசோல் என்பது பாக்டீரியா மற்றும் ஒட்டுண்ணிகளால் ஏற்படும் பல்வேறு நோய்த்தொற்றுகளுக்கு சிகிச்சையளிக்க பொதுவாக பரிந்துரைக்கப்படும் ஒரு ஆண்டிபயாடிக் ஆகும். இது நுண்ணுயிர் எதிர்ப்பிகளின் நைட்ரோமிடசோல் வகையைச் சேர்ந்தது. இது பாக்டீரியா மற்றும் புரோட்டோசோவாவின் வளர்ச்சியை நிறுத்துவதன் மூலம் செயல்படுகிறது. Metronidazole ஐ எடுத்துக்கொள்ளும் முன் மருத்துவரை அணுகுவது அவசியம்.
இல்லை, ஜலதோஷம் அல்லது காய்ச்சல் போன்ற வைரஸ் தொற்றுகளுக்கு எதிராக Metronidazole பயனற்றது. இது பாக்டீரியா மற்றும் புரோட்டோசோல் நோய்த் தொற்றுகளுக்கு எதிராக மட்டுமே பயனுள்ளதாக இருக்கும்.
நீங்கள் நினைவில் வைத்தவுடன் தவறவிட்ட அளவை எடுத்துக் கொள்ளுங்கள். உங்கள் அடுத்த டோஸிற்கான நேரம் நெருங்கிவிட்டால், தவறவிட்ட அளவைத் தவிர்த்துவிட்டு, உங்கள் வழக்கமான டோஸ் அட்டவணையைத் தொடரவும். ஒரே நேரத்தில் இரண்டு டோஸ் (Over Dose) எடுக்கக் கூடாது.
மெட்ரானிடசோல் அனைவருக்கும் ஏற்றதல்ல. உங்களுக்கு ஒவ்வாமை இருந்தால் அல்லது கல்லீரல் நோய் மற்றும் நரம்பு கோளாறுகள் அல்லது இரத்தக் கோளாறுகள் இருந்தால் உங்கள் மருத்துவரிடம் தெரிவிக்கவும்.
இல்லை, நீங்கள் நன்றாக உணர்ந்தாலும் முழு சிகிச்சை முடியும் முன் Metronidazole ஐ உட்கொள்வதை நிறுத்தினால், உங்களுக்கு தொற்று மீண்டும் வரலாம். நீங்கள் Metronidazole எடுப்பதை நிறுத்துவதற்கு முன் உங்கள் மருத்துவரை அணுகி ஆலோசனை பெறவும்.
 }})
