அதிமதுரம் (Licorice) அறிவியல் ரீதியாக கிளைசிரிசா கிளப்ரா (Glycyrrhiza Glabra) என்று அழைக்கப்படுகிறது. இது ஃபேபேசியே என்ற பருப்பு குடும்பத்தைச் சேர்ந்த ஒரு மூலிகைத் தாவரமாகும். மாற்றடுக்கில் அமைந்த இலைகளையும் நீலநிறப் பூக்களையும் உடைய சிறு செடியினம். முதன்மையாக அதன் வேர்களுக்காக அறியப்படுகிறது. வரலாற்று ரீதியாக, பழங்காலத்திலிருந்தே அதிமதுரம் மருத்துவத்தில் பயன்படுத்தப்பட்டு வருகிறது. அதிமதுரத்திற்கு அதிங்கம், அஷ்டி, குன்றிவேர் போன்ற பெயர்களும் உண்டு. அதிமதுரம் முப்பிணியால் வரும் பல நோய்களைப் போக்கும் தன்மை கொண்டது.
அதிமதுரம் பொடி அதன் வேரில் இருந்து பெறப்படுகிறது. அதிமதுரம் நெஞ்செரிச்சல், அஜீரணம் போன்ற செரிமானப் பிரச்சினைகள் மற்றும் நோயெதிர்ப்பு திறனுக்காக பாரம்பரிய மூலிகை மருத்துவர்கள் பெரும்பாலும் அதிமதுரத்தை பரிந்துரைக்கின்றனர்.
அதிமதுரத்தில் உள்ள கிளைசிரைசின் (Glycyrrhizin) போன்ற சேர்மங்கள் அழற்சி எதிர்ப்புப் பண்புகளைக் கொண்டது. இது கீல்வாதம் மற்றும் சுவாச நோய்கள் போன்றவற்றைப் போக்க உதவுகிறது.
அதிமதுரத்தின் ஊட்டச்சத்து மதிப்பு அதன் மூலப்பொருளான கிளைசிரைசினில் இருந்து கிடைக்கிறது. கூடுதலாக, அதிமதுரத்தில் ஃபிளாவனாய்டுகள் நிறைந்துள்ளன இவை ஆக்ஸிஜனேற்ற பண்புகளைக் கொண்டுள்ளது
14 கிராம் அதிமதுரத்தில் உள்ள ஊட்டச்சத்து மதிப்புகள்:
| கலோரிகள் | 53 |
| கொழுப்பு | 0 கிராம் |
| சோடியம் | 7 மிகி |
| கார்போஹைட்ரேட் | 13 கிராம் |
| நார்ச்சத்து | 0 கிராம் |
| சர்க்கரை | 9.8 கிராம் |
| புரதம் | 0 கிராம் |
அதிமதுரம் பொதுவாக மிதமான அளவில் உட்கொள்வது பாதுகாப்பானது. ஆனால் அதிகப்படியான உட்கொள்ள்ளும் போது வீக்கம், அஜீரணம் மற்றும் அல்சர் போன்ற இரைப்பை குடல் பிரச்சினைகளுக்கு வழிவகுக்கும்.
அதிமதுரத்தில் உள்ள கிளைசிரைசின் உடலில் திரவத்தைத் தக்கவைத்து கை மற்றும் கால்களில் வீக்கத்திற்கு வழிவகுக்கும். மேலும், அதிமதுரம் கார்டிசோல் அளவைக் கட்டுப்படுத்தும் உடலின் திறனில் தலையிடலாம்.
1. இரத்த அழுத்தம்
அதிமதுரத்தில் உள்ள கிளைசிரைசின் (glycyrrhizin) உடலில் சோடியத்தை தக்கவைத்து பொட்டாசியத்தை இழக்கச் செய்வதன் மூலம் உயர் இரத்த அழுத்தம் மற்றும் எலக்ட்ரோலைட்டுகளில் ஏற்றத்தாழ்வு ஏற்படலாம்.
2. பொட்டாசியம் குறைதல்
அதிமதுரத்தில் உள்ள கிளைசிரைசின் பொட்டாசியம் அளவைக் குறைக்கலாம். குறைந்த பொட்டாசியம் அளவினால் ஹைபோகலீமியா (Hypokalemia) ஏற்படலாம். இதனால் தசை பலவீனம், ஒழுங்கற்ற இதயத் துடிப்பு மற்றும் சோர்விற்கு வழிவகுக்கும்.
3. இதய நோய்
ஏற்கனவே இதய நோய் உள்ளவர்கள் அளவுக்கு அதிகமாக அதிமதுரம் சாப்பிடுவது மாரடைப்பு போன்ற கடுமையான பக்க விளைவுகளை உண்டாகலாம்.
4. ஹார்மோன் விளைவுகள்:
அதிக அளவு அதிமதுரத்தை தொடர்ந்து உட்கொள்வது, ஆல்டோஸ்டிரோன் என்ற ஹார்மோனின் இரத்த அளவை உயர்த்தி, தீவிர பக்க விளைவுகளுக்கு வழிவகுக்கும்.
5. தலைவலி மற்றும் தலைச்சுற்றல்:
அதிக அளவு அதிமதுரத்தை உட்கொள்ளும் போது சிலருக்கு தலைவலி அல்லது தலைச்சுற்றல் ஏற்படலாம்.
ஏற்கனவே உடல் நலக் குறைபாடுகள் உள்ளவர்கள், குறிப்பாக இதயம் அல்லது இரத்த அழுத்தம் தொடர்பான நோய் உள்ளவர்கள் அதிமதுரத்தை பயன்படுத்தும் முன் மருத்துவரிடம் கலந்தாலோசிப்பது அவசியம்.
இதய நோய் அல்லது உயர் இரத்த அழுத்தம் போன்றவை ஏற்கனவே இருக்கும் நபர்கள், அதிமதுரம் உட்கொள்ளும் போது எச்சரிக்கையாக இருக்க வேண்டும். கர்ப்பிணிப் பெண்கள் அதிகப்படியான அளவைத் தவிர்க்க வேண்டும். ஏனெனில் இது கருவின் வளர்ச்சிக்கு ஆபத்தை ஏற்படுத்தக்கூடும். அதிமதுரத்தின் சரியான அளவு மற்றும் பக்க விளைவுகளைப் பற்றி ஒரு மருத்துவ நிபுணருடன் கலந்தாலோசிப்பது அவசியம்.
நெஞ்செரிச்சல், வீக்கம் மற்றும் அஜீரணம் போன்ற செரிமான பிரச்சினைகளுக்கு அதிமதுரத்தை தேநீர், காப்ஸ்யூல் அல்லது உணவில் சேர்க்கலாம். இருப்பினும், அதிகப்படியான உட்கொள்ளல் உயர் இரத்த அழுத்தம் மற்றும் பொட்டாசியம் அளவு குறைதல் போன்ற சாத்தியமான பக்க விளைவுகளைப் பற்றி கருத்தில் கொள்ள வேண்டும்.
அதிமதுரத்தில் அழற்சி எதிர்ப்பு பண்புகள் இருப்பதால் இவை அரிப்பு, தோல் அழற்சி மற்றும் முகப்பரு போன்றவற்றிற்கு உதவும். மேலும், இதில் முடியை கருமையாக்கும் மற்றும் பொடுகுத் தொல்லையைக் குறைக்கும் என்பதால், தலை முடிக்கு இயற்கை சாயமாக பயன்படுத்தலாம்.
அதிமதுரம் வேர் பாக்டீரியா எதிர்ப்பு பண்புகளைக் கொண்டுள்ளது. இது பல் சிதைவு மற்றும் பல் ஈறு நோயைத் தடுக்க உதவுகிறது. இது ஒரு இயற்கை மவுத்வாஷாக பயன்படுத்தப்படலாம் அல்லது பற்பசையாக பயன்படுத்தலாம்.
அதிமதுரம் ஒரு நறுமண மூலிகையாகும். இது இந்த தாவரத்தின் வேரில் இருந்து பெறப்படுகிறது. இந்த மூலிகை மருத்துவ குணங்கள் மற்றும் தனித்துவமான சுவை காரணமாக சித்தா மற்றும் ஆயுர்வேத மருத்துவத்தில் அதிகமாக பயன்படுத்தப்படுகிறது.
உயர் இரத்த அழுத்தம், சிறுநீரக நோய் மற்றும் இதய நோய் போன்ற நோய் நிலைமைகள் உள்ளவர்கள் அதிமதுரத்தை தவிர்க்கவேண்டும். மேலும் கர்ப்பிணிப் பெண்கள் மற்றும் பாலூட்டும் பெண்களும் அதிமதுரத்தை தவிர்க்க வேண்டும்.
அதிமதுரத்தின் பாதுகாப்பான அளவு தனிப்பட்ட நபரின் உடல்நிலையைப் பொறுத்து மாறுபடும். அதிமதுரத்தை உட்கொள்ளும் முன்பு மருத்துவ நிபுணருடன் கலந்தாலோசிக்க வேண்டும்.
உயர் இரத்த அழுத்தம் மற்றும் பொட்டாசியம் குறைதல் போன்ற சாத்தியமான அபாயங்கள் இருப்பதால் 12 வயதுக்குட்பட்ட குழந்தைகளுக்கு அதிமதுரம் பரிந்துரைக்கப்படுவதில்லை.
வயிற்று வலி, வயிற்றுப்போக்கு, தலைவலி, ஒவ்வாமை எதிர்வினைகள் ஆகியவை அதிமதுரத்தால் ஏற்படும் பொதுவான மற்றும் சாத்தியமான பக்க விளைவுகளாகும்.
 }})
